"Барселона", "ПСЖ" ва "Милан" Роналдиньони 45 ёшга тўлиши билан табриклади.
"Бугун "Барселона"га табассум олиб келган бразилиялик даҳонинг туғилган куни". Туғилган кунинг билан, Роналдиньо!" - дейилади Каталония клуби баёнотида.
"Футбол тарихидаги энг буюк усталардан бирининг туғилган куни билан! Сенинг сеҳринг бизни ҳайратда қолдиришда давом этмоқда", - дейилади "ПСЖ" ўз табрикномасида.
"Келинг, байрамни давом эттирайлик! Кунингиз хайрли ўтсин, Роналдиньо", - деб ёзади "Милан" матбуот хизмати.
Эслатиб ўтамиз, бразилиялик футболчи 2001 йилда "Гремио"дан "ПСЖ"га ўтган ва орадан икки йил ўтиб "Барселона" томонидан 30 миллион евро эвазига сотиб олинганди.
Каталония жамоаси билан Роналдиньо икки марта Испания чемпионлиги ва Суперкубогини қўлга киритди, 2006 йилда эса Чемпионлар лигаси ғолибига айланди.
Кейинчалик у "Милан"да ўйнади ва чемпионликни қўлга киритган 2010/11 йилги мавсумда жамоани тарк этди. Кейинги ўринларни "Фламенго", "Атлетико Минейро", "Флуминэнсе" ва Мексиканинг "Керетаро" жамоаларида ўйнади.
Бразилия терма жамоаси таркибида Роналдиньо 2002 йилда жаҳон чемпиони бўлди, Америка кубоги ва Конфедерациялар кубогини қўлга киритди. 2005 йилда "Олтин тўп" билан тақдирланган. Роналдиньо 2018 йилнинг январида фаолиятини якунлаган.
