Madridning "Real" klubi safida kam o‘yin amaliyotiga ega bo‘layotgan 18 yoshli braziliyalik forvard Endrik jamoa uchun o‘ynashni davom ettirmoqchi. Futbolchi "qirollik klubi"ni tark etishni rejalashtirmayapti, deb xabar bermoqda AS.

Manbaning ta’kidlashicha, umidli hujumchi faoliyatini davom ettirishning boshqa variantlarini rad etmoqda. U faqat "Real"ga e’tibor qaratmoqda.

2024/2025 yilgi mavsumda Endrik 28 ta o‘yinda maydonga tushib, 6 ta gol urgan. U maydonda atigi 496 daqiqa harakat qildi. Uning "qaymoqranglilar" bilan shartnomasi 2030 yilning yarmigacha mo‘ljallangan va bozor qiymati 40 million yevroni tashkil etadi.