Мадриднинг "Реал" клуби сафида кам ўйин амалиётига эга бўлаётган 18 ёшли бразилиялик форвард Эндрик жамоа учун ўйнашни давом эттирмоқчи. Футболчи "қироллик клуби"ни тарк этишни режалаштирмаяпти, деб хабар бермоқда AS.
Манбанинг таъкидлашича, умидли ҳужумчи фаолиятини давом эттиришнинг бошқа вариантларини рад этмоқда. У фақат "Реал"га эътибор қаратмоқда.
2024/2025 йилги мавсумда Эндрик 28 та ўйинда майдонга тушиб, 6 та гол урган. У майдонда атиги 496 дақиқа ҳаракат қилди. Унинг "қаймоқранглилар" билан шартномаси 2030 йилнинг ярмигача мўлжалланган ва бозор қиймати 40 миллион еврони ташкил этади.
