Italiyaning "Komo" klubi ustozi Sesk Fabregas Madridning "Real" klubi mashg‘ulot bazasiga tashrif buyurib, jamoa ustozi Karlo Anchelotti bilan suhbatlashdi. Bu haqda ABC jurnalistlari xabar bermoqda.

Manbaga ko‘ra, mutaxassislar "Komo" sharafini himoya qilayotgan yarim himoyachi Niko Pasning kelajagini muhokama qilishgan. Futbolchi 6,5 million yevroga sotib olingan, unga bo‘lgan huquqning 50 foizi "qirollik klubi"ga tegishli. "Real" istasa, Pasni qaytarib sotib olishi mumkin.

Fabregas esa o‘z navbatida xavbekni kamida kelasi mavsum oxirigacha saqlab qolmoqchi. Anchelotti ispaniyalikning istagini ijobiy qabul qildi.

Joriy mavsumda Niko Italiya chempionatida 27 ta jang o‘tkazib, 6 ta gol urdi va 5 ta golli uzatmani amalga oshirdi.