Италиянинг "Комо" клуби устози Сеск Фабрегас Мадриднинг "Реал" клуби машғулот базасига ташриф буюриб, жамоа устози Карло Анчелотти билан суҳбатлашди. Бу ҳақда ABC журналистлари хабар бермоқда.
Манбага кўра, мутахассислар "Комо" шарафини ҳимоя қилаётган ярим ҳимоячи Нико Паснинг келажагини муҳокама қилишган. Футболчи 6,5 миллион еврога сотиб олинган, унга бўлган ҳуқуқнинг 50 фоизи "қироллик клуби"га тегишли. "Реал" истаса, Пасни қайтариб сотиб олиши мумкин.
Фабрегас эса ўз навбатида хавбекни камида келаси мавсум охиригача сақлаб қолмоқчи. Анчелотти испанияликнинг истагини ижобий қабул қилди.
Жорий мавсумда Нико Италия чемпионатида 27 та жанг ўтказиб, 6 та гол урди ва 5 та голли узатмани амалга оширди.
