Portugaliya terma jamoasi hujumchisi Krishtianu Ronaldu Millatlar Ligasi chorak finalining javob uchrashuvida Daniyaga qarshi o‘yindan kutayotgan umidlari haqida fikr bildirdi.
"Ertaga maydonda shunchaki 11 nafar o‘yinchi emas, balki butun bir mamlakatning kuchi bo‘lamiz. Oldinga siljish uchun bor kuch-g‘ayratimizni ishga solamiz. Birgalikda!" - deya Ronaldu ijtimoiy tarmoqlarda yozdi.
Portugaliya - Daniya o‘yini 23 mart kuni Lissabonda bo‘lib o‘tadi va Toshkent vaqti bilan soat 01:45 da boshlanadi. Birinchi uchrashuv daniyaliklarning 1:0 hisobidagi g‘alabasi bilan yakunlangan edi.
