Португалия терма жамоаси ҳужумчиси Криштиану Роналду Миллатлар Лигаси чорак финалининг жавоб учрашувида Данияга қарши ўйиндан кутаётган умидлари ҳақида фикр билдирди.
"Эртага майдонда шунчаки 11 нафар ўйинчи эмас, балки бутун бир мамлакатнинг кучи бўламиз. Олдинга силжиш учун бор куч-ғайратимизни ишга соламиз. Биргаликда!" - дея Роналду ижтимоий тармоқларда ёзди.
Португалия - Дания ўйини 23 март куни Лиссабонда бўлиб ўтади ва Тошкент вақти билан соат 01:45 да бошланади. Биринчи учрашув данияликларнинг 1:0 ҳисобидаги ғалабаси билан якунланган эди.
