"Al-Ittihod" hujumchisi Karim Benzema kelajakda "Real"ga qaytish niyatida.
Joriy yilning dekabr oyida fransuz 38 yoshga to‘ladi. Hujumchining Saudiya klubi bilan shartnomasi 2026 yilning yarmigacha mo‘ljallangan va futbolchi hozircha faoliyatini yakunlash rejalari haqida ma’lum qilmagan, ammo "Real"ga yangi lavozimda qaytishi mumkinligiga ishora qilgan. Relevo nashri tarqatgan xabarga ko‘ra "Oltin to‘p" sohibi futbolchilik faoliyatini yakunlagach, "qirollik" klubiga ishga o‘tishga qat’iy bel bog‘lagan. To‘g‘ri, "qaymoqranglilar"ning sobiq yulduzi aynan qaysi ishga da’vogarlik qilishi hozircha aniq emas.
Karim Benzema 2009-2023 yillarda "Real" sharafini himoya qilgan. U Madrid grandi safida 648 ta o‘yinda maydonga tushib, 354 ta gol urgan.
