"Ал-Иттиҳод" ҳужумчиси Карим Бензема келажакда "Реал"га қайтиш ниятида.
Жорий йилнинг декабрь ойида француз 38 ёшга тўлади. Ҳужумчининг Саудия клуби билан шартномаси 2026 йилнинг ярмигача мўлжалланган ва футболчи ҳозирча фаолиятини якунлаш режалари ҳақида маълум қилмаган, аммо "Реал"га янги лавозимда қайтиши мумкинлигига ишора қилган. Relevo нашри тарқатган хабарга кўра "Олтин тўп" соҳиби футболчилик фаолиятини якунлагач, "қироллик" клубига ишга ўтишга қатъий бел боғлаган. Тўғри, "қаймоқранглилар"нинг собиқ юлдузи айнан қайси ишга даъвогарлик қилиши ҳозирча аниқ эмас.
Карим Бензема 2009-2023 йилларда "Реал" шарафини ҳимоя қилган. У Мадрид гранди сафида 648 та ўйинда майдонга тушиб, 354 та гол урган.
