"Liverpul"ning o‘ng qanot himoyachisi Trent Aleksandr-Arnold joriy mavsum yakunlangach, faoliyatini qayerda davom ettirishini allaqachon hal qilib bo‘lgan.

Futbolchining mersisaydliklar bilan amaldagi shartnomasi iyul oyida o‘z nihoyasiga yetadi. Jurnalist Xose Feliks Diasning ta’kidlashicha, ingliz kelajagi borasida allaqachon bir qarorga kelgan - u "Real"ga o‘tadi. "Qizillar" tarbiyalanuvchisining qaroriga endi hech narsa ta’sir qilmaydi.

Aleksandr-Arnold erkin agent sifatida "qaymoqranglilar" safiga qo‘shiladi. U "Liverpul" safida 349 ta o‘yinda maydonga tushib, 22 ta gol urgan va 87 ta golli uzatmani amalga oshirgan.