Italiya terma jamoasi bosh murabbiyi Luchano Spalletti Millatlar Ligasi 1/4 finalidan o‘rin olgan Germaniyaga qarshi javob o‘yinidan nimalar kutayotgani haqida gapirdi.
"Skuadra adzurra" payshanba kuni o‘z maydonida 1:2 hisobida imkoniyatni boy berib qo‘ydi. Yarim final yo‘llanmasi taqdiri yakshanba kuni Dortmundda hal bo‘ladi.
"Og‘ir vaziyatga tushib qoldik, ammo birinchi o‘yindagi kabi o‘ynashimiz kerak. Bunday kuchli raqibga qarshi oson bo‘lmasligini bilardik, ammo ishonchim komilki, agar biz bir xil darajada o‘ynasak, javob o‘yinida keyingi bosqichga chiqish uchun ajoyib imkoniyatlarga egamiz," - dedi Spalletti matbuot anjumanida.
