Италия терма жамоаси бош мураббийи Лучано Спаллетти Миллатлар Лигаси 1/4 финалидан ўрин олган Германияга қарши жавоб ўйинидан нималар кутаётгани ҳақида гапирди.
"Скуадра адзурра" пайшанба куни ўз майдонида 1:2 ҳисобида имкониятни бой бериб қўйди. Ярим финал йўлланмаси тақдири якшанба куни Дортмундда ҳал бўлади.
"Оғир вазиятга тушиб қолдик, аммо биринчи ўйиндаги каби ўйнашимиз керак. Бундай кучли рақибга қарши осон бўлмаслигини билардик, аммо ишончим комилки, агар биз бир хил даражада ўйнасак, жавоб ўйинида кейинги босқичга чиқиш учун ажойиб имкониятларга эгамиз," - деди Спаллетти матбуот анжуманида.
