"Sporting"ning shvesiyalik forvardi Viktor Dyokeresh yozgi transferlar davrida "Tottenxem"ga ko‘chib o‘tishi mumkin. Bu haqda Fichajes xabar bermoqda.
Manbaga ko‘ra, 26 yoshli Dyokeresh "shporlar"ning markaziy hujumchi pozisiyasidagi asosiy maqsadi hisoblanadi. Biroq, aniqlik kiritilishicha, "Tottenxem" futbolchi uchun Yevropaning boshqa yetakchi klublari bilan kurashishiga to‘g‘ri keladi.
Joriy mavsumda Dyokeresh barcha musobaqalarni hisobga olgan holda 41 ta o‘yinda maydonga tushib, raqiblar darvozasini 40 marotaba ishg‘ol qildi va 10 ta golli uzatmani o‘z hisobiga yozdirib qo‘ydi.
