"Спортинг"нинг швециялик форварди Виктор Дьёкереш ёзги трансферлар даврида "Тоттенхэм"га кўчиб ўтиши мумкин. Бу ҳақда Fichajes хабар бермоқда.
Манбага кўра, 26 ёшли Дьёкереш "шпорлар"нинг марказий ҳужумчи позициясидаги асосий мақсади ҳисобланади. Бироқ, аниқлик киритилишича, "Тоттенхэм" футболчи учун Европанинг бошқа етакчи клублари билан курашишига тўғри келади.
Жорий мавсумда Дьёкереш барча мусобақаларни ҳисобга олган ҳолда 41 та ўйинда майдонга тушиб, рақиблар дарвозасини 40 маротаба ишғол қилди ва 10 та голли узатмани ўз ҳисобига ёздириб қўйди.
