"An-Nasr" va Portugaliya terma jamoasi hujumchisi Krishtianu Ronaldu Daniyaga qarshi o‘yin oldidan o‘tkazilgan matbuot anjumanida jurnalistni nomaqbul savollar bergani uchun tanbeh berdi.

Muxbir forvarddan terma jamoa va uning bosh murabbiyi Roberto Martinesni tanqid qilgani haqida so‘radi. Bunga javoban Ronaldu OAV milliy terma jamoa atrofida haddan tashqari salbiy fikrlar yaratayotganini aytdi.

"Siz bergan ba’zi savollar shunchaki hurmatsizlik edi. Agar mendan javob olishni istasangiz, so‘raganingizda ko‘zimga qarang", - dedi portugaliyalik hujumchi talkSPORT bilan suhbatda.

Shuningdek, u javob berayotganda kompyuterga qaramaslikni talab qildi va agar kerak bo‘lsa, buni o‘n marta takrorlashga va’da berdi. Bugun Millatlar ligasining chorak final javob o‘yini Portugaliya hamda Daniya o‘rtasida bo‘lib o‘tadi. Birinchi uchrashuvda daniyaliklar g‘alaba qozonishdi (1:0).