"Ан-Наср" ва Португалия терма жамоаси ҳужумчиси Криштиану Роналду Данияга қарши ўйин олдидан ўтказилган матбуот анжуманида журналистни номақбул саволлар бергани учун танбеҳ берди.
Мухбир форварддан терма жамоа ва унинг бош мураббийи Роберто Мартинесни танқид қилгани ҳақида сўради. Бунга жавобан Роналду ОАВ миллий терма жамоа атрофида ҳаддан ташқари салбий фикрлар яратаётганини айтди.
"Сиз берган баъзи саволлар шунчаки ҳурматсизлик эди. Агар мендан жавоб олишни истасангиз, сўраганингизда кўзимга қаранг", - деди португалиялик ҳужумчи talkSPORT билан суҳбатда.
Шунингдек, у жавоб бераётганда компьютерга қарамасликни талаб қилди ва агар керак бўлса, буни ўн марта такрорлашга ваъда берди. Бугун Миллатлар лигасининг чорак финал жавоб ўйини Португалия ҳамда Дания ўртасида бўлиб ўтади. Биринчи учрашувда данияликлар ғалаба қозонишди (1:0).
