Gruziyaning Tbilisi shahrida dzyudo bo‘yicha "Katta dubulg‘a" turniri o‘z yakuniga yetdi. Quvonarlisi, -90 kg vazn toifasida kechgan bahslarda hamyurtimiz Umar Bozorov oltin medalni qo‘lga kiritdi.
Olimpiada va jahon chempionati sovrindorlari jam bo‘lgan mazkur vaznda yosh umidli polvonlarimizdan biri o‘zining ajoyib ishtiroki bilan yaqqol ajralib turdi. Bozorov finalda fransiyalik Aleksis Metyudan ustun keldi.
Shu tariqa, O‘zbekiston terma jamoasi mazkur musobaqani 1 ta oltin va 2 ta bronza medallari bilan yakunladi. Eslatib o‘tamiz, dastlabki kun bahslarida -66 kg vazn toifasidagi vakillarimiz Azizbek Ortiqov hamda Abdurahim Nutfullayev bronza medallari bilan taqdirlanishgan edi.
