Tibo Kurtua Ukrainaga qarshi javob o‘yinida maydonga tushmadi.

"Real" darvozaboni Millatlar Ligasi 1/4 finalining bugungi javob o‘yini uchun Belgiya qaydnomasidan o‘rin olmadi. Asosiy tarkibda "Nottingem Forest" darvozaboni Mats Zels maydonga tushdi.

Belgiya terma jamoasi matbuot xizmatining ma’lum qilishicha, Kurtua ehtiyot chorasi sifatida tarkibdan chetlatilgan. RTBF ta’kidlaganidek, darvozabonning mushaklari ortiqcha yuklamalardan aziyat chekmoqda.

Kurtua 2023 yil yozidan beri birinchi marta Belgiya terma jamoasiga chaqirilgandi. U payshanba kuni Ukrainaga qarshi birinchi o‘yinda asosiy tarkibda maydonga tushdi - belgiyaliklar 1:3 hisobida mag‘lub bo‘lishdi. Javob o‘yinida 3:0 hisobida "qizil iblislar" g‘alaba qozondi.