Тибо Куртуа Украинага қарши жавоб ўйинида майдонга тушмади.
"Реал" дарвозабони Миллатлар Лигаси 1/4 финалининг бугунги жавоб ўйини учун Бельгия қайдномасидан ўрин олмади. Асосий таркибда "Ноттингем Форест" дарвозабони Матц Зельс майдонга тушди.
Бельгия терма жамоаси матбуот хизматининг маълум қилишича, Куртуа эҳтиёт чораси сифатида таркибдан четлатилган. RTBF таъкидлаганидек, дарвозабоннинг мушаклари ортиқча юкламалардан азият чекмоқда.
Куртуа 2023 йил ёзидан бери биринчи марта Бельгия терма жамоасига чақирилганди. У пайшанба куни Украинага қарши биринчи ўйинда асосий таркибда майдонга тушди - бельгияликлар 1:3 ҳисобида мағлуб бўлишди. Жавоб ўйинида 3:0 ҳисобида "қизил иблислар" ғалаба қозонди.
