Kecha Millatlar Ligasi doirasida bir qator bahslar bo‘lib o‘tdi.

Turnirning A divizionida o‘ynash huquqi uchun belgilangan pley-off javob o‘yinida Ukraina terma jamoasi Belgiyaga qarshi bahs olib bordi va mug‘lubiyatga uchradi (0:3).  Ukrainlar ustozi Sergey Rebrov uchrashuv haqida fikr bildirdi.

Barcha muxlislar kabi butun terma jamoa vakillari xafa. O‘ylashimcha, biz g‘alabaga loyiq emasdik. To‘p bilan oldinga ko‘proq o‘ynashimiz hamda ko‘proq hujum uyushtirishimiz kerak edi, lekin afsuski, bizga tajovuzkorlik yetishmadi. Raqib to‘pni ancha yaxshi nazorat qiladigan jamoa edi.

Birinchi bo‘limda juda past blok bilan himoyalandik, ammo raqibimizga deyarli hech qanday vaziyat yaratishga imkon bermadik. Lekin ikkinchi bo‘limda o‘yindagi burilish nuqtasi yuz berdi. Futbolchilarim charchab qolishdi.

A divizioniga chiqa olmaganimiz fojia, saralash bosqichiga tayyorgarlik juda muhim. Hozir oldimizda ikkita o‘rtoqlik o‘yini bor, unda yangi kuchlarni sinab ko‘rishimiz mumkin. Maqsadimiz jahon chempionatiga chiqish, saralash o‘yinlariga tayyorgarlik ko‘ramiz”, – dedi Rebrov o‘yindan so‘ng o‘tkazilgan matbuot anjumanida.

Ma’lumot uchun, Ukraina terma jamoasi pley-off o‘yinlari natijalariga ko‘ra B ligasida qoldi, Belgiya terma jamoasi esa A ligadagi o‘rnini saqlab qoldi.