Кеча Миллатлар Лигаси доирасида бир қатор баҳслар бўлиб ўтди.

Турнирнинг А дивизионида ўйнаш ҳуқуқи учун белгиланган плей-офф жавоб ўйинида Украина терма жамоаси Бельгияга қарши баҳс олиб борди ва муғлубиятга учради (0:3).  Украинлар устози Сергей Ребров учрашув ҳақида фикр билдирди.

Барча мухлислар каби бутун терма жамоа вакиллари хафа. Ўйлашимча, биз ғалабага лойиқ эмасдик. Тўп билан олдинга кўпроқ ўйнашимиз ҳамда кўпроқ ҳужум уюштиришимиз керак эди, лекин афсуски, бизга тажовузкорлик етишмади. Рақиб тўпни анча яхши назорат қиладиган жамоа эди.

Биринчи бўлимда жуда паст блок билан ҳимояландик, аммо рақибимизга деярли ҳеч қандай вазият яратишга имкон бермадик. Лекин иккинчи бўлимда ўйиндаги бурилиш нуқтаси юз берди. Футболчиларим чарчаб қолишди.

А дивизионига чиқа олмаганимиз фожиа, саралаш босқичига тайёргарлик жуда муҳим. Ҳозир олдимизда иккита ўртоқлик ўйини бор, унда янги кучларни синаб кўришимиз мумкин. Мақсадимиз жаҳон чемпионатига чиқиш, саралаш ўйинларига тайёргарлик кўрамиз”, – деди Ребров ўйиндан сўнг ўтказилган матбуот анжуманида.

Маълумот учун, Украина терма жамоаси плей-офф ўйинлари натижаларига кўра Б лигасида қолди, Бельгия терма жамоаси эса А лигадаги ўрнини сақлаб қолди.