Fransiya terma jamoasi va Madridning "Real" klubi hujumchisi Kilian Mbappe Millatlar ligasi yarim finalida Ispaniya terma jamoasi bilan bo‘ladigan uchrashuv haqidagi savolga javob berdi.
Fransiyaliklar Xorvatiyani ikki o‘yin natijasiga ko‘ra 2:2 hisobidagi durangdan so‘ng penaltilar seriyasida mag‘lub etdi. Ispanlar bellashuvida ham ish o‘yindan keyingi 11 metrli jarima zarbalarigacha borib yetdi - "qizil furiya" niderlandiyalik raqiblariga qaraganda aniqroq chiqdi.
Millatlar ligasining yarim final bahslari iyun oyi boshida bo‘lib o‘tadi.
"Yevro-2024 uchun revansh? Bu o‘tmishda qoldi, ammo, albatta, bizning maqsadimiz - finalga chiqish. Biz shunday o‘yinlarda o‘ynashni xohlaymiz. Yana bir sovrinni qo‘lga kiritishga harakat qilamiz," - dedi Mbappe intervyuda.
