Франция терма жамоаси ва Мадриднинг "Реал" клуби ҳужумчиси Килиан Мбаппе Миллатлар лигаси ярим финалида Испания терма жамоаси билан бўладиган учрашув ҳақидаги саволга жавоб берди.
Францияликлар Хорватияни икки ўйин натижасига кўра 2:2 ҳисобидаги дурангдан сўнг пенальтилар сериясида мағлуб этди. Испанлар беллашувида ҳам иш ўйиндан кейинги 11 метрли жарима зарбаларигача бориб етди - "қизил фурия" нидерландиялик рақибларига қараганда аниқроқ чиқди.
Миллатлар лигасининг ярим финал баҳслари июнь ойи бошида бўлиб ўтади.
"Евро-2024 учун реванш? Бу ўтмишда қолди, аммо, албатта, бизнинг мақсадимиз - финалга чиқиш. Биз шундай ўйинларда ўйнашни хоҳлаймиз. Яна бир совринни қўлга киритишга ҳаракат қиламиз," - деди Мбаппе интервьюда.
