Yozua Kimmix Italiyaga gol urishga yordam bergan bolboyga dastxatli to‘pni sovg‘a qildi.
Kecha Germaniya terma jamoasi Italiya bilan durang o‘ynadi, ammo ikki o‘yin natijasiga ko‘ra (2:1, 3:3) UYEFA Millatlar ligasi yarim finaliga yo‘l oldi.
Hisob 1:0 bo‘lib turgan vaqtda Janluiji Donnarumma maydon o‘yinchilari bilan muloqotda bo‘lganida Kimmix burchak zarbasini tezlik bilan amalga oshirdi. Darvozabon va raqib himoyasining xatosidan foydalangan Jamal Musiala bo‘sh qolgan darvozani ishg‘ol etdi.
Kimmixga to‘pni bu vaziyatda 15 yoshli bolboy Noel Urbanyak yetkazib berdi. Buning uchun u o‘yindan so‘ng "Bavariya" yarim himoyachisidan dastxatli to‘pni oldi va terma jamoaning sport direktori Rudi Feller unga keyingi uy o‘yiniga bepul chipta va’da qildi.
"Men burchakdagi bayroqcha yonida turib, Kimmix bilan bir-birimizga qarab turganimizni va unga to‘p kerakligini ko‘rdim. Men darhol unga to‘p otdim va gol bo‘ldi. Men juda baxtli edim," - dedi bola RTL'ga bergan intervyusida.
"Uchalasi ham mutlaqo jahon darajasidagi futbolchilar," - dedi terma jamoa bosh murabbiyi Yulian Nagelsmann Kimmix, Musiala va Urbanyakni nazarda tutib.
