"Nyukasl"ning e’tibori Eddi Xau rahbariyat tomonidan qo‘llab-quvvatlanadigan yozgi transfer oynasiga qaratilgan. Hujumning o‘ng qanotini kuchaytirish ustuvor vazifa bo‘ladi.
GiveMeSport xabariga ko‘ra, "Nyukasl" "Chelsi" vingeri Noni Maduekeni o‘z safiga qo‘shib oladi. Qishda Migel Almiron ketganidan so‘ng, "magpilar"da bu pozitsiyasida bir nechta variant qoldi.
Klub barqaror yuqori saviyali futbolchi qidirmoqda va Madueke asosiy transfer maqsadiga aylandi.
Ma’lumot uchun, Madueke joriy mavsum “Chelsi” safida barcha turnirlar doirasida 28 ta o‘yinda maydonga tushib, 8 ta gol va 4 ta golli uzatmaga mualliflik qilgan.
