"Arsenal" klubi "Nyukasl" hujumchisi Aleksandr Isakning transferiga qiziqish bildirmoqda, deya xabar bermoqda TEAMTalk.

Manbaga ko‘ra, avvalroq "kanonirlar" "qarg‘alar" xavbeki Bruno Gimaraesning transferiga umid qilgan, ammo endi ularning ustuvorligi shvesiyalik hujumchiga qaratilgan.

"Nyukasl" Isakni 150 million funtga baholamoqda. Bu esa "Arsenal"ga o‘tish ehtimolini kamaytiradi.

25 yoshli Isak bu mavsumda "Nyukasl" safida 33 o‘yinda 23 ta gol va 5 ta golli uzatmaga mualliflik qildi. Uning shartnomasi 2028 yilning yozida yakuniga yetadi. Transfermarkt portali futbolchining narxini 100 million yevroga baholamoqda.