"Shaxtyor" yarim himoyachisi Georgiy Sudakov Italiya chempionatining yetakchi klublaridan biriga o‘tish variantiga ega. Bu haqda Corriere dello Sport xabar bermoqda.

Jurnalistlar ma’lumotiga ko‘ra, 22 yoshli ijrochini "Napoli" o‘z safiga qo‘shib olmoqchi. Neapolliklar anchadan buyon ushbu futbolchi bilan shartnoma imzolashni istashmoqda.

Sudakovning "Shaxtyor" bilan amaldagi mehnat shartnomasi 2028 yil oxirigacha mo‘ljallangan. Transfermarkt portali ekspertlari Georgiyning bozor narxini 32 million yevroga baholamoqda.

Yarim himoyachi joriy mavsum Ukraina chempionatida 19 ta o‘yinda maydonga tushib, o‘nta gol urdi va ikkita golli uzatmani amalga oshirdi.