"Real"ning braziliyalik hujumchisi Endrik 2026 yilgi jahon chempionatida ishtirok eta olmasligidan xavotirda ekanini tan oldi.
"To‘g‘risini aytsam, men 2026 yilgi jahon chempionatiga chiqa olmaslikdan qo‘rqayotganim haqida ko‘p o‘ylayman. Hayajonlanyapman... chunki bu mening orzum. Bu haqda gapirish ham qiyin. Men Braziliyaga oltinchi marta jahon chempionligini qo‘lga kiritishda yordam bermoqchiman," - dedi Endrik Romario bilan suhbatda.
18 yoshli forvard Braziliya terma jamoasi safida 13 ta o‘yinda maydonga tushib, 3 ta gol urgan.
Jahon chempionati - 2026 AQSH, Kanada va Meksikada bo‘lib o‘tadi. Musobaqa 11 iyun kuni start olishi, final jangi esa 19 iyul kuni bo‘lib o‘tishi rejalashtirilgan.
