"Реал"нинг бразилиялик ҳужумчиси Эндрик 2026 йилги жаҳон чемпионатида иштирок эта олмаслигидан хавотирда эканини тан олди.

"Тўғрисини айтсам, мен 2026 йилги жаҳон чемпионатига чиқа олмасликдан қўрқаётганим ҳақида кўп ўйлайман. Ҳаяжонланяпман... чунки бу менинг орзум. Бу ҳақда гапириш ҳам қийин. Мен Бразилияга олтинчи марта жаҳон чемпионлигини қўлга киритишда ёрдам бермоқчиман," - деди Эндрик Ромарио билан суҳбатда.

18 ёшли форвард Бразилия терма жамоаси сафида 13 та ўйинда майдонга тушиб, 3 та гол урган.

Жаҳон чемпионати - 2026 АҚШ, Канада ва Мексикада бўлиб ўтади. Мусобақа 11 июнь куни старт олиши, финал жанги эса 19 июль куни бўлиб ўтиши режалаштирилган.