Jurnalist Sacha Tavoliyerining xabar berishicha, parijliklar 2023 yilning yozida Viktor Osimxen va Xvicha Kvarasxeliya uchun 200 million yevro taklif qilgan. Natijada, gruziyalik vinger shu yilning yanvar oyida taxminan 70 million yevro evaziga parijliklar safiga kelib qo‘shildi, ammo nigeriyalik borasida klubda birdamlik yo‘q edi. Forvardning transferini sport direktori Luish Kampush ilgari surdi, Luis Enrike esa klassik "to‘qqizinchi raqam"ga qiziqmadi.

Kampushning shartnomasi yozda tugashi bilan Luis Enrikening klubning transfer siyosatiga ta’siri sezilarli darajada oshdi. Natijada, "PSJ" hozirda "Napoli"dan ijara asosida "Galatasaroy"da o‘ynayotgan Osimxenni qo‘lga kiritish fikriga qaytmaydi.

Biroq hujumchi baribir klubini o‘zgartirishi mumkin. Uning tovon puli 75 million yevro va yangi hujumchi izlayotgan “Manchester Yunayted” bu imkoniyatdan foydalanishi mumkin.

Osimxen joriy mavsumda “Galatasaroy” safida barcha turnirlarda 30 ta o‘yinda maydonga tushib, 26 ta gol va 5 ta golli uzatmaga mualliflik qilgan.