Журналист Сача Таволиерининг хабар беришича, парижликлар 2023 йилнинг ёзида Виктор Осимхен ва Хвича Кварацхелия учун 200 миллион евро таклиф қилган. Натижада, грузиялик вингер шу йилнинг январ ойида тахминан 70 миллион евро эвазига парижликлар сафига келиб қўшилди, аммо нигериялик борасида клубда бирдамлик йўқ эди. Форварднинг трансферини спорт директори Луиш Кампуш илгари сурди, Луис Энрике эса классик "тўққизинчи рақам"га қизиқмади.
Кампушнинг шартномаси ёзда тугаши билан Луис Энрикенинг клубнинг трансфер сиёсатига таъсири сезиларли даражада ошди. Натижада, "ПСЖ" ҳозирда "Наполи"дан ижара асосида "Галатасарой"да ўйнаётган Осимхенни қўлга киритиш фикрига қайтмайди.
Бироқ ҳужумчи барибир клубини ўзгартириши мумкин. Унинг товон пули 75 миллион евро ва янги ҳужумчи излаётган “Манчестер Юнайтед” бу имкониятдан фойдаланиши мумкин.
Осимхен жорий мавсумда “Галатасарой” сафида барча турнирларда 30 та ўйинда майдонга тушиб, 26 та гол ва 5 та голли узатмага муаллифлик қилган.
