GiveMeSport eksklyuziv ma’lumotlariga ko‘ra, 27 yoshli Kristofer Nkunku "Stemford Brij"ni tark etishga yaqin turibdi. Fransiyalik futbolchi jamoa murabbiylar shtabining talablariga moslasha olmadi, shu bois u keyingi transfer oynasida sotuvga qo‘yiladi.
Qishda Nkunku klubni tark etish imkoniyatiga ega edi, chunki unga "Bavariya" qiziqayotgan edi. Biroq, o‘tish sodir bo‘lmadi. "Ko‘klar" o‘z futbolchisi uchun taxminan 60 million funt talab qilishdi.
Kristofer Nkunku joriy mavsumda klub miqyosida 38 ta o‘yinda maydonga tushib, 14 ta gol urdi va 5 ta golli uzatmani amalga oshirdi.
