GiveMeSport эксклюзив маълумотларига кўра, 27 ёшли Кристофер Нкунку "Стемфорд Бриж"ни тарк этишга яқин турибди. Франциялик футболчи жамоа мураббийлар штабининг талабларига мослаша олмади, шу боис у кейинги трансфер ойнасида сотувга қўйилади.
Қишда Нкунку клубни тарк этиш имкониятига эга эди, чунки унга "Бавария" қизиқаётган эди. Бироқ, ўтиш содир бўлмади. "Кўклар" ўз футболчиси учун тахминан 60 миллион фунт талаб қилишди.
Кристофер Нкунку жорий мавсумда клуб миқёсида 38 та ўйинда майдонга тушиб, 14 та гол урди ва 5 та голли узатмани амалга оширди.
