"Byornli" va "Everton"ning sobiq bosh murabbiyi Shon Daych Vinsent Kompani Premyer-ligadagi omadsiz debyut mavsumidan so‘ng "Bavariya"ga ishga kelganidan hayratda.
"2014 yilda "Byornli"ni Premyer-ligaga olib chiqqanimda transferlar uchun 9 million funt sterling sarflagandik. Ha, o‘shanda 33 ochko bilan quyi ligaga tushib qolgandik. Endi Kompaniga qaraylik. Ular 127 million funt sarflashdi va 24 ochko to‘plashdi, lekin negadir uni "Bavariya"ga chaqirishga qaror qilishdi. Men ham klubni tark etib, Myunxenga borishni istardim. Jiddiy aytsam men bu qanday ishlashini tushunmayapman", dedi Daych.
Kompani 2022 yilda Daych o‘rniga "Byornli" bosh murabbiyi lavozimini egallaydi. 38 yoshli belgiyalik o‘zining birinchi mavsumida jamoani Premyer-ligaga olib chiqdi, ammo keyin darhol Chempionshipga tushib ketdi.
Ayni damda Kompani boshchiligidagi "Bavariya" 26-turdan keyin 62 ochko to‘plagan holda Bundesliga turnir jadvalida peshqadamlik qilmoqda.
