El Gol Digital nashrining yozishicha, 33 yoshli Lukas Vaskesning Madriddagi kelajagi hamon shubha ostida. Uning "Los-Blankos" bilan amaldagi shartnomasi shu yilning iyun oyi oxirigacha amal qiladi, shuning uchun tomonlar hamkorlikni davom ettirish borasida kelisha olmasa, ispaniyalik futbolchi klubni tark etishi mumkin.

Qayd etilishicha, "Malyorka" qanot himoyachisi sifatida o‘ynay oladigan tajribali himoyachiga qiziqish bildirmoqda. Vaskes "Real"dan boshqa ispan klubida o‘ynashni istamaydi. Saudiyaning bir qancha klublari ham uning transferiga qiziqish bildirmoqda.

Joriy mavsumda Lukas Vaskes “Real” safida barcha turnirlar doirasida 37 ta o‘yinda ishtirok etib, 2 ta gol urdi va 6 ta golli uzatmani amalga oshirdi.