El Gol Digital нашрининг ёзишича, 33 ёшли Лукас Васкеснинг Мадриддаги келажаги ҳамон шубҳа остида. Унинг "Лос-Бланкос" билан амалдаги шартномаси шу йилнинг июн ойи охиригача амал қилади, шунинг учун томонлар ҳамкорликни давом эттириш борасида келиша олмаса, испаниялик футболчи клубни тарк этиши мумкин.

Қайд этилишича, "Мальорка" қанот ҳимоячиси сифатида ўйнай оладиган тажрибали ҳимоячига қизиқиш билдирмоқда. Васкес "Реал"дан бошқа испан клубида ўйнашни истамайди. Саудиянинг бир қанча клублари ҳам унинг трансферига қизиқиш билдирмоқда.

Жорий мавсумда Лукас Васкес “Реал” сафида барча турнирлар доирасида 37 та ўйинда иштирок этиб, 2 та гол урди ва 6 та голли узатмани амалга оширди.