"Empoli"da ijara asosida to‘p tepayotgan "Inter" hujumchisi Sebastyano Espozito "Roma" qiziqishlari doirasiga tushib qoldi, deya xabar bermoqda La Gazzetta dello Sport.
Manbaga ko‘ra, Italiya klubi yozgi transfer oynasiga tayyorgarlikni boshlab yuborgan. "Roma" 22 yoshli italiyalik futbolchiga qiziqish bildirmoqda va hujum chizig‘ini yanada kuchaytirish maqsadida uni yozgi short-listga kiritdi.
Esposito SPAL, "Venesiya," "Bazel," "Anderlext," "Bari," "Sampdoriya" klublarida o‘ynagan.
Sebastyano bu mavsum "Empoli" safida 28 ta o‘yinda maydonga tushib, 10 ta gol urdi va 1 ta golli uzatmani amalga oshirdi.
