"Эмполи"да ижара асосида тўп тепаётган "Интер" ҳужумчиси Себастьяно Эспозито "Рома" қизиқишлари доирасига тушиб қолди, дея хабар бермоқда La Gazzetta dello Sport.

Манбага кўра, Италия клуби ёзги трансфер ойнасига тайёргарликни бошлаб юборган. "Рома" 22 ёшли италиялик футболчига қизиқиш билдирмоқда ва ҳужум чизиғини янада кучайтириш мақсадида уни ёзги шорт-листга киритди.

Эспосито СПАЛ, "Венеция," "Базел," "Андерлехт," "Бари," "Сампдория" клубларида ўйнаган.

Себастьяно бу мавсум "Эмполи" сафида 28 та ўйинда майдонга тушиб, 10 та гол урди ва 1 та голли узатмани амалга оширди.