"Real" jamoa darvozaboni Andrey Luninni 20-25 million yevrodan kamiga qo‘yib yubormaydi, deya xabar bermoqda Defensa Central.
Manbaga ko‘ra, 26 yoshli ukrainalikning Ispaniya klubida qolishi jiddiy so‘roq ostida qolmoqda. APL klublari Andreyning transferini intiqlik bilan kutmoqda, "Manchester Yunayted" esa darvozabonni o‘z safiga qo‘shib olishga urinib ko‘rishi mumkin.
Avvalroq "Galatasaroy" darvozabon pozisiyasini kuchaytirish uchun nomzodlar ro‘yxatida birinchi bo‘lib turgan Luninga qiziqish bildirayotgani haqida xabarlar tarqalgan edi.
Shuningdek, Andreyga "PSJ" va "Bavariya" klublari ham qiziqish bildirayotgani aytilmoqda.
Eslatib o‘tamiz, Lunin o‘tgan yili ispan klubi bilan shartnoma imzolagan edi. Uning "Real" bilan kelishuvi 2030 yilning yozigacha mo‘ljallangan.
Joriy mavsumda Lunin klub safida 10 ta o‘yinda maydonga tushdi, 13 ta gol o‘tkazib yubordi va 4 ta o‘yinda darvozasi dahlsizligini saqlab qoldi.
