"Реал" жамоа дарвозабони Андрей Лунинни 20-25 миллион евродан камига қўйиб юбормайди, дея хабар бермоқда Defensa Central.

Манбага кўра, 26 ёшли украиналикнинг Испания клубида қолиши жиддий сўроқ остида қолмоқда. АПЛ клублари Андрейнинг трансферини интиқлик билан кутмоқда, "Манчестер Юнайтед" эса дарвозабонни ўз сафига қўшиб олишга уриниб кўриши мумкин.

Аввалроқ "Галатасарой" дарвозабон позициясини кучайтириш учун номзодлар рўйхатида биринчи бўлиб турган Лунинга қизиқиш билдираётгани ҳақида хабарлар тарқалган эди.

Шунингдек, Андрейга "ПСЖ" ва "Бавария" клублари ҳам қизиқиш билдираётгани айтилмоқда.

Эслатиб ўтамиз, Лунин ўтган йили испан клуби билан шартнома имзолаган эди. Унинг "Реал" билан келишуви 2030 йилнинг ёзигача мўлжалланган.

Жорий мавсумда Лунин клуб сафида 10 та ўйинда майдонга тушди, 13 та гол ўтказиб юборди ва 4 та ўйинда дарвозаси даҳлсизлигини сақлаб қолди.