"Barselona" markaziy himoyachisi Pau Kubarsi "Osasuna" bilan bo‘lajak Ispaniya chempionati o‘yinida jamoasiga yordam bera olmaydi.

Bu haqda ispan OAV xabar tarqatdi. Manba bergan xabarga ko‘ra, bugun 18 yoshli futbolchi asosiy jamoadan alohida mashg‘ulot o‘tkazdi. Ta’kidlanishicha, Kubarsi "Jirona"ga qarshi navbatdagi o‘yinda maydonga tushishga hozirlik ko‘rmoqda.

Joriy mavsumda himoyachi barcha turnirlarda 42 ta uchrashuvda maydonga tushib, bitta gol urdi va 3 ta golli uzatmani amalga oshirdi.

27- mart kuni Ispaniya chempionatining 27-turidan o‘rin olgan “Barselona” – “Osasuna” uchrashuvi bo‘lib o‘tadi.