"Барселона" марказий ҳимоячиси Пау Кубарси "Осасуна" билан бўлажак Испания чемпионати ўйинида жамоасига ёрдам бера олмайди.
Бу ҳақда испан ОАВ хабар тарқатди. Манба берган хабарга кўра, бугун 18 ёшли футболчи асосий жамоадан алоҳида машғулот ўтказди. Таъкидланишича, Кубарси "Жирона"га қарши навбатдаги ўйинда майдонга тушишга ҳозирлик кўрмоқда.
Жорий мавсумда ҳимоячи барча турнирларда 42 та учрашувда майдонга тушиб, битта гол урди ва 3 та голли узатмани амалга оширди.
27- март куни Испания чемпионатининг 27-туридан ўрин олган “Барселона” – “Осасуна” учрашуви бўлиб ўтади.
