Jurnalist Nikolo Shkiraning xabariga ko‘ra, "Atletiko"dan Anxel Korreani o‘z safiga qo‘shib olishga Meksikaning "Tigres" jamoasi qiziqmoqda.

"Yo‘lbarslar" vakillari allaqachon 30 yoshli argentinalik forvard bilan muzokaralarni boshlab, unga yana bir mavsumga uzaytirish imkoniyati bilan 2028 yilgacha mo‘ljallangan naqd shartnoma taklif qilishgan.

Anxel Korrea 2015 yildan buyon matraschilar jamoasida o‘ynab kelmoqda. U "Atletiko" safida barcha musobaqalarda 460 o‘yinda maydonga tushib, 87 gol va 65 golga assistentlik qilgan.

Joriy mavsumda u klub miqyosida 39 ta o‘yinda 7 ta gol urdi va 5 ta golli uzatmani amalga oshirdi.