Журналист Николо Шкиранинг хабарига кўра, "Атлетико"дан Анхель Корреани ўз сафига қўшиб олишга Мексиканинг "Тигрес" жамоаси қизиқмоқда.
"Йўлбарслар" вакиллари аллақачон 30 ёшли аргентиналик форвард билан музокараларни бошлаб, унга яна бир мавсумга узайтириш имконияти билан 2028 йилгача мўлжалланган нақд шартнома таклиф қилишган.
Анхель Корреа 2015 йилдан буён матрасчилар жамоасида ўйнаб келмоқда. У "Атлетико" сафида барча мусобақаларда 460 ўйинда майдонга тушиб, 87 гол ва 65 голга ассистентлик қилган.
Жорий мавсумда у клуб миқёсида 39 та ўйинда 7 та гол урди ва 5 та голли узатмани амалга оширди.
