"Manchester Siti"da yana bir markaziy himoyachi transferi rejalashtirilmoqda. Qishda "shaharliklar" safiga Abduqodir Husanov va Vitor Reys qo‘shildi, ammo klubda himoya markazini yana kuchaytirish haqida o‘ylashmoqda. Mail Sport nashri tarqatgan xabarga ko‘ra "shaharliklar" "Everton"dan Jerred Brentueytni o‘z safiga qo‘shib olmoqchi. 22 yoshli ingliz yaqinlashib kelayotgan transferlar davrida "irislar" safini tark etishga tayyor.
Brentueytga avvalroq "Manchester Yunayted," Madridning "Real" va boshqa grand klublari qiziqish bildirayotgandi. Transfermarkt portali Angliya yoshlar terma jamoasi markaziy himoyachisining narxini 50 mln yevroga baholamoqda.
