"Манчестер Сити"да яна бир марказий ҳимоячи трансфери режалаштирилмоқда. Қишда "шаҳарликлар" сафига Абдуқодир Ҳусанов ва Витор Рейс қўшилди, аммо клубда ҳимоя марказини яна кучайтириш ҳақида ўйлашмоқда. Mail Sport нашри тарқатган хабарга кўра "шаҳарликлар" "Эвертон"дан Жерред Брэнтуэйтни ўз сафига қўшиб олмоқчи. 22 ёшли инглиз яқинлашиб келаётган трансферлар даврида "ирислар" сафини тарк этишга тайёр.
Брэнтуэйтга аввалроқ "Манчестер Юнайтед," Мадриднинг "Реал" ва бошқа гранд клублари қизиқиш билдираётганди. Transfermarkt портали Англия ёшлар терма жамоаси марказий ҳимоячисининг нархини 50 млн еврога баҳоламоқда.
