"Real"ning sobiq yarim himoyachisi Toni Kroosning fikricha, sovrinlar futboldagi eng muhim narsadan yiroq. Nemis sobiq futbolchisi o‘tgan yozda faoliyatini yakunlagan edi.

U 2014 yildan 2024 yilgacha "Los-Blankos"da o‘ynagan. Jamoa tarkibida yarim himoyachi besh marta Chempionlar ligasida g‘olib chiqqan va boshqa ko‘plab sovrinlarni qo‘lga kiritgan.

"Muxlislarning sevgisi unvonlardan ham qimmatroq. Odamlar menga ko‘chada mehr ko‘rsatishadi - shunday daqiqalarda men o‘n yil ichida nimadir to‘g‘ri qilganimni his qilaman. Gap shunchaki sovrinlarda emas: yillar davomida odamlar mening so‘zim nimagadir qadrli ekanini tushunishdi", - dedi Kroos.