"Реал"нинг собиқ ярим ҳимоячиси Тони Крооснинг фикрича, совринлар футболдаги энг муҳим нарсадан йироқ. Немис собиқ футболчиси ўтган ёзда фаолиятини якунлаган эди.

У 2014 йилдан 2024 йилгача "Лос-Бланкос"да ўйнаган. Жамоа таркибида ярим ҳимоячи беш марта Чемпионлар лигасида ғолиб чиққан ва бошқа кўплаб совринларни қўлга киритган.

"Мухлисларнинг севгиси унвонлардан ҳам қимматроқ. Одамлар менга кўчада меҳр кўрсатишади - шундай дақиқаларда мен ўн йил ичида нимадир тўғри қилганимни ҳис қиламан. Гап шунчаки совринларда эмас: йиллар давомида одамлар менинг сўзим нимагадир қадрли эканини тушунишди", - деди Кроос.