Argentina terma jamoasi yarim himoyachisi Rodrigo de Paul JCH-2026 saralashi doirasidagi Braziliya terma jamoasini mag‘lub etganidan so‘ng (4:1) o‘z fikrlari bilan o‘rtoqlashdi.
"Biz hech qachon o‘yin oldidan raqibga hurmatsizlik qilmaymiz. Bu yillar davomida odamlar biz haqimizda hurmatsizlik bilan gapirishadi, lekin biz g‘alaba qozonishda va maydonda hamma narsani isbotlashda davom etamiz. Bizning jamoa so‘nggi olti yil ichida eng kuchlisi. Bizni hurmat qilishsin", - deydi yarim himoyachi.
Eslatib o‘tamiz, o‘yin arafasida braziliyalik vinger Rafinya shov-shuvli bayonot bilan chiqdi va bu hurmatsizlik belgisi sifatida qabul qilindi.
