Dortmundning “Borussiya” klubi boshqaruvi raisi Xans-Yoaxim Vaske klubning transfer siyosati haqida o‘z fikrlari bilan o‘rtoqlashdi. Klub ko‘p yillardan buyon o‘zining asosiy o‘yinchilarini Yevropa gigantlariga sotib, bundan katta daromad olishdi.
"Biz ishlab chiqarayotgan futbolchilar eng yuqori saviyada o‘ynashga qodir ekanini hamma biladi. Lekin bu bizning falsafamiz emas. Biz bunday ruhda o‘ylamaymiz: "Biz o‘yinchini sotishimiz uchun uni rivojlantirishimiz kerak". Muvaffaqiyatli bo‘lishni istayman, men klubimiz "Bavariya"dek moliyaviy qudratga ega bo‘lishini va transfer bozorida "yo‘q" deb ayta olishini afzal ko‘raman", - dedi Vaske.
"Borussiya" joriy mavsumning 26-turidan keyin Bundesliga turnir jadvalida 11-o‘rinni egallab turibdi.
